Vassendgutane er årets trekkplaster.
- Det er stas at Vassendgutane kjem til Verkstaden Bistro, seier Lidvar Kurseth. Han var tidleg ute og fekk til ein avtale med bandet allereie i januar.
Vassendutane kan juble over gullplate, eit bevis på 20 000 selde eksemplar av den nye plata Hesteslepp.
Med to medlemmar frå Sykkylven, er bandet klare til å entre scena laurdag kveld. Bandet Crashville varmar opp. Tidlegare på dag blir det innmasj med Sykkylven skulekorps og vi får høyre lokale band. Fredag spelar Jarle Flem i puben, før det blir diskotek seinare på kvelden.
Det er niande året på rad at det blir arrangert båtfestival på Ikornnes. I 2004 var The Margarets på besøk. Dei seinare åra har blant anna Hellbillies, Vestlandsfanden, DDE og Jørn Hoel laga liv og røre på bryggekanten.
- Det brukar å kome folk frå heile Sunnmøre. Enkelte år har 80 båtar og 15 bobilar rigga seg til, fortel Lidvar Kurseth, som naturleg nok er spent på veret i helga.
Lidvar Kurseth er klar til årets båtfestival, 31. mai-1. juni 2013. (Foto: Hanne Suorza)
På nettsida til Vassendgutane har Frank Willy Utgård og Kim Erik Lillestøl fått kvar sine karakteristikkar:
Frank Willy Utgård: Frank Willy har foreløpig status som nyegitaristen. Han har spelt i mange rock og bluesband. Alltid blid, og lynkjapp på gitar. Driv eigen nettbutikk for gitardelar i Hundeidvik. Opphavsmann til Fingreklåda. Spring gjerne på fjellet om han har anledning, og er glad i friluftsliv. Det hender og at han vert observert joggande rundt hotella me bur på når me er på tur…
Kim Erik Lillestøl: Kim Erik er den yngste Vassendguten. Han er det nye rytmiske alibiet, og gjer ein god jobb. Etter at han i ung alder fann ut at nesten alle andre i bandet måtte stå heile kvelden, valgte han trommer som instrument. Det han ikkje hadde rekna med, var at det då prompte vart plassert ein mikrofon der, så for å utligne arbeidsmengda, vart han nøydd til å kore og… I fritida arbeider han i ein musikkbutikk.
FØLG BRABYGD.NO PÅ FACEBOOK HER
Verkstaden Bistro. (Foto: Hanne Suorza)
